miércoles, 28 de octubre de 2009

Telon de Fondo en Corvera


Esti vienres, 30 d´ochobre, a partir de les 22:30, nel teatru "El Llar" de Corvera, el grupu teatru Telón de Fondo representará la so nueva obra "El xuegu de Yalta", una adaptación del cuentu "La dama del perrín" de Antón Chéjov. Ana y Gurov alcuéntrense de vacaciones en Yalta, ciudá de veranéu del mar Negru y lo que escomienza como un xuegu, dirá poco a poco convirtiéndose n´una hestoria d´amor verdaderu.
"El xuegu de Yalta" tá interpretáu por Marilú Casas y Lluis Antón González y dirixíu por Sara García Rodriguez. La produción ye de Xulio Vigil y la escenografia y les lluces de Beni García.
(Foto J.R. Montes)

martes, 13 de octubre de 2009

Estrenu de Telón nel Atenéu de La Calzada


Esti xueves 15 d´ochobre, el grupu teatru Telón de Fondo estrena en Xixón, la so cabera obra, "El xuegu de Yalta".
La hora comienzu ye les siete la tarde y la entrada ye llibre hasta completar l´aforu.

lunes, 5 de octubre de 2009

Estrenu de Telón de Fondo


El prósimu vienres dia 9, el grupu teatru Telón de Fondo, estrena la obra "El xuegu de Yalta", adaptación del cuentu d´Antón Chéhov "La dama del perrín" fecha pol autor irlandés Brian Friel y con versión n´asturianu de Lluis Antón González.
La obra dirixida por Sara García Rodriguez, tá interpretada por Marilú Casas y Lluis Antón González. El espaciu escénicu y les lluces son de Benigno García Bueno y la produción de Xulio Vigil.
Ana Sergeyevna Dmity Gurov tán de vacaciones en Yalta, ciudá de veranéu del Mar Negru y lo que escomienza siendo un xuegu, conviértese nun amor verdaderu que sumirá a los sos protagonistes nun remolín llocu.
La hora comienzu ye a les 20 hores y la entrada ye llibre.