viernes, 28 de diciembre de 2012

FELIZ AÑU 2013

Telón de Fondo deseya, a tola bona xente, un feliz y bayurosu 2013.

miércoles, 28 de noviembre de 2012

Telón de Fondo prepara nueva obra.

El grupu teatru TELON DE FONDO prepara una nueva obra pa estrenar el cincu de mayu de 2013 nel Teatru Xovellanos de Xixón. Trátase d´una obra basada nel Tíu Vanya d´Antón P. Chéjov, que Lluis Antón González (autor del textu n´asturianu) treslada a l´Asturies de principios del sieglu XX, col títulu del Tiu Antonín. Nel repartu van tar José Luis Fenández, Lluis Antón González, Carmen Suarez Trapiello, Angel Hector Sánchez y Marilú Casas. La dirección va ser de Sara García Rodriguez.

miércoles, 18 de abril de 2012

Telón de Fondo en Llugones

Telón de Fondo acturá na Casa la Cultura de Llugones el prósimu día 27d´abril, cola obra "Squash" d´Ernesto Caballero.
"Squash" ye una comedia social con un toque de "reality show", na que dos muyeres s´enfrenten a una serie de pruebes pa llograr un puestu de trabayu. Piedá, ama de casa y Trini, prostituta, son les dos protagonistes d´esta disputa, na que Ladio tratará d´escoyer la meyor pa esi apetecible puestu de trabayu.
La obra tá interpretada por Marilú Casas, Carmen Suarez y Lluis Antón González, cola dirección de Sara García Rodriguez, la escenografía de Beni Garcia, les lluces de Alberto Ortiz y la producción de Xulio Vigil.
La hora de comienzu será les 19:30.

sábado, 3 de marzo de 2012

TELÓN DE FONDO EN CASU

El grupu teatru TELÓN DE FONDO actuará cola obra SQUASH, nel Centru d´Interpretación de Parque de Redes d´El Campu (Casu), el prósimu día 8 de marzu, a les 12:30 del mediudia.
SQUASH escrita por Ernesto Caballero, con versión asturiana de Lluis Antón Gonzáez, ye una comedia social, na que dos muyeres s´enfrenten por un puestu trabayu. Les distintes prebes que´l supuestu esaminador yos fai, alléguennos a situaciones absurdes, propies de los "reality show" televisivos.
La obra tá interpretada por Carmen Suarez Trapielo, Marilú Casas y Lluis Antón González. La dirección ye de Sara García Rodriguez, la producción de Xulio Vigil y les lluces de Alberto Ortiz.
La representación tá incluyía dientro de la Muestra de Teatru Amateur del Principáu d´Asturies en collaboración col Ayuntamientu de Casu.