El prósimu martes, 30 d´avientu, nel Atenéu de Turón, Telón de Fondo presenta, el so espectáculu de monólogos "Tres pates pa un bancu", con Carlos Alba "El Pola", Silvino Torre y Lluis Antón González. La hora comienzu ye a les siete y media la tarde.
viernes, 26 de diciembre de 2008
martes, 16 de diciembre de 2008
20 años de EL LLAPICERU
El prósimu xueves dia 18 na llibreria Alborá de Xixón, organizáu pol Atenéu Xuán María Acebal, va cellebráse un actu pa conmemorar el venti aniversariu del nacimientu de la revista de comics n´asturianu EL LLAPICERU. Nel actu va facese presentación d´una edición númberada de tolos númberos encuadernaos con motivu d´esti XX aniversariu.
sábado, 6 de diciembre de 2008
Ésitu del monólogu modernu en Bruseles
Esti miercoles 4 d´avientu cellebróse en Bruseles, nel salón d´actos de la Casa d´Asturies d´esta capital europea, una gala del Monólogu Modernu Asturianu a cargu de l´asociación Xareos, y organizada por ASBRU (Asturianos en Bruselas) con gran ésitu de públicu y crítiques. Los invitaos a esta gala fueron Benxa Perez, Inaciu Galán y Lluis Antón González. Además de la representeción fízose la presentación del llibru de monólogos modernos "Pa echar unes rises" de varios autores, publicáu pola editorial Trabe y un coloquiu alderique sobre el mesmu tema.
jueves, 27 de noviembre de 2008
Dos sabios nes Caldes
El pasáu fin de selmana rodóse nel balneariu de Les Caldes d´Uviéu el curtiu "Dos sabios" dirixíu pola realizadora madrilana Rocío García Campelo. Basáu nun cuentu de Leopoldo Alas "Clarín" tá interpretáu nos sos principales papeles por Inaciu Galán, Pente Santovenia y Lluis Antón González. El estrenu tá previstu nel Teatru Filarmónica nel mes d´abril del prósimu añu dientro del Festival de Cine Asturianu que dirixe Xavi Vilareyo. http://rociogarciacampelodossabios.blogspot.com/
jueves, 13 de noviembre de 2008
Marathon de teatru en Xixón
El prósimu sábadu dia 15 de payares va cellebráse´l II MARATHON DE TEATRU, entamáu por FETEAS (Federación de Grupos de Teatru Amateur del Principáu d´Asturies) nel nuevu Centru Municipal del Llanu de Xixón. Ente les ocho la tarde y les dos de la mañana dirán representando pieces cortes les distintes compañies que formen la federación. La entrada hasta llenar el aforu ye de baldre y l´actu cuenta además del sofitu del Ayuntamientu Xixón, el del Princiáu d´Asturies, Caxastur y la ESAD Asturies.
miércoles, 29 de octubre de 2008
Monólogos na Gueta de Candás
sábado, 18 de octubre de 2008
lunes, 6 de octubre de 2008
Telón de Fondo en Xixón.
El prósimu miércoles día 8, el grupu Telón de Fondo actuará na Colexata San Xuan Bautista de Xixón, cola obra "Antón (el cantu´l cisne)".
Esta obra, dirixida por Xulio Vigil , cuenta la hestoria d´un vieyu actor que queda dormíu nel teatru depués d´una función homenaxe. Na soledá del escenariu dirá repasando la so vida y solamente l´apuntador del teatru escuchará la so cabera representación.
El repartu componenlu José Luis Fernández y Lluis Antón González. La escenografía y diseñu de lluces ye de Beni García.
La representación tá organizada pol Area Cultural de Cajastur y la hora de comienzu ye les ocho la tarde con entrada llibre.
sábado, 20 de septiembre de 2008
Telón de Fondo nel Llar de Corvera.
viernes, 12 de septiembre de 2008
Un cortu n´asturianu podrá vese en norteamérica.
Nel pasáu mes d´agostu acabó de grabase´l cortu "Nel Reinu" del director norteamericanu Victor Suarez. Esta película fecha n´asturianu exibiráse en versión orixinal nos Estaos Xunios, con subtítulos n´inglés. L´enfotu de Suarez (California 1989) ye mostrar nesta hestoria Asturies tal como ye. Una hestoria intimista que muestra el viaxe d´un padre cola so fia (Xulia) al intierru del güelu d´esta. Por delles razones llegen tres dies tarde al funeral. Nel trescursu de dos xornaes diremos viendo como el reencuentru col pasáu construye una hestoria inacabada enllena d´interrogantes (posiblemente cola vida mesma) na que l´espectador compondrá la suya mesma.
Esti cortu tá interpretáu polos actores asturianos Lluis Antón González, que fai de padre; Adriano Prieto, que fai d´hermanu; Mari Carmen Mendez, que fai de güela y l´actriz norteamericana Nessa Norich, que fai de fia.
"Nel Reinu" ye una coprodución astur-norteamericana na que participen el proyectu Bluelight de la Universidá de Columbia (Nueva York) y la empresa asturiana Médula Producciones.
sábado, 16 de agosto de 2008
Monólogos en El Campu y Candás.
Esti vienres 15 d´agostu de 2008 cellebráronse dos gales de monólogu asturianu. La Primera na capital del conceyu de Casu, dientro de la VI semana Cultural, na que participaron los monologuistes de H.a Xareos, Tante Blanco y Lluis Antón González. La segunda nel teatru Prendes de Candás (I Gala del Monologuismo Cómico Asturiano) na que se fizo un homenaxe al monologuista José Manuel Reguero "El Maestru", cola participaron Carlos Alba, Silvino Torre, Pin de la Cotolla y Lluis Antón González. La Gala foi presentada pol Presidente de AICA Julio Cesar Baragaño.
lunes, 4 de agosto de 2008
Nuevos monólogos nel Trisquel
martes, 22 de julio de 2008
Monólogos nel VARYARTE
domingo, 20 de julio de 2008
Telón en Pumarín (Xixón)
jueves, 3 de julio de 2008
Monólogu Modernu en Bimenes
Dientro del programa de festeyos de la XII Fiesta de la Oficialidá, el prósimu vienres dia 4 van echase dos monólogos de los nomaos "modernos"de los autores Inaciu Galán y Isaac de l´Arada. El llugar ye la Casa la Cultura a les 20:30 y el monologuista encargáu d´echalos ye Lluis Antón González de H.a Xareos.
lunes, 16 de junio de 2008
Premiu FETEAS
El grupu teatru Telón de Fondo recibió, xunto con otres seis grupos el premiu FETEAS pa les compañies que lleven más de 25 años continuaos na escena. Además Telón recibió una mención especial por ser el grupu más veteranu d´Asturies con más de 35 años d' hestoria. L´actu foi cellebráu nos II Alcuentros FETEAS de Villaviciosa el 14 y 15 de xunu al qu´asistieron, ente otres autoridaes, l´alcalde la Villa y la Directora de Cultura del Principáu d´Asturies.
viernes, 18 de abril de 2008
Monólogu Modernu en Candás
El prósimu domingu dia 20 d´abril nel chigre La Gueta de Candás actuarán los monologuistes Carlos Alba, Silvino Torre y Lluis Antón González. Depués del éxitu de la so actuación nel Trisquel de Xixón, estos tres monologuistes acuden a Candás col enfotu de promocionar el Nuevu Monólogu Asturianu y crear un pequeñu circuitu d´esta modalidá teatral tan asturiana. La hora comienzu será sobre les ochu y media.
sábado, 12 de abril de 2008
Monólogos nel Trisquel
El prósimu xueves 17, a partir de les 21:30, nel café Trisquel de la cai Marques de San Esteban de Xixón, tendrá llugar otra vuelta, la representación de monólogos asturianos. Carlos Alba, Silvino Torre y Lluis Antón González, interpretaran en clave d´humor la so visión de la realidá social y política d´Asturies.
viernes, 21 de marzo de 2008
Telón de Fondo en Llangréu
El prósimu 30 de marzu, el grupu teatru TELÓN DE FONDO representará nel Nuevu Teatru de La Felguera, la obra "Antón el cantu´l cisne" de Lluis Antón González, dientro de la muestra de FETEAS qu´entama l´Ayuntamientu Llangréu. La obra basada en textos de Chéhov, trata del pasu´l tiempu y del dramáticu final de vida d´un actor . Tá interpretada por José Luis Fernández y Lluis Antón González cola dirección de Xulio Vigil. La hora de comienzu ye a les 20:15 y la entrada ye de 3 €.
lunes, 10 de marzo de 2008
Monólogos nel Trisquel
sábado, 1 de marzo de 2008
Monólogu modernu nel Campoamor
El prósimu domingu 9 de marzu y coincidiendo cola fase final de la "Muestra Folklore Ciudad de Oviedo", acturán nel teatru Campoamor de la capital asturiana los monologuistes Inaciu Galán y Lluis Antón González, representantes de lo que podemos nomar Monólogu Modernu Asturianu. El comienzu de la muestra será a les doce menos cuartu la mañana.
martes, 19 de febrero de 2008
Estrenu en Avilés de "Anton,el cantu´l cisne"
El prósimu dia 1 de marzu nel teatru de Centru Municipal de "Los Canapés" d´Avilés, el grupu teatru Telón de Fondo estrenará la obra Antón, el cantu´l cisne dientro de la Muestra de Teatru de FETEAS qu´organiza la Casa la Cultura del Ayuntamientu Avilés. Dirixida por Xulio Vigil, tá interpretada por José Luis Fernández y Lluis Antón González con escenografía de Benigno García Bueno. Na obra un vieyu actor fai repasu de la so vida dempués d´una función enfrentándose a los sos propios pantasmes y a la propia muerte, solo un vieyu apuntador será testigu d´esti últimu cantu. La hora de comienzu será les 19:00 hores.
Suscribirse a:
Entradas (Atom)