FELIZ 2014

El grupu teatru TELON DE FONDO deseya a tolos sos seguidores y amigos un feliz y prósperu añu 2014.

Telón de Fondo en Colunga con "El tíu Antonín".

Telón de Fondo actuará en Colunga, cola obra "El tíu Antonín", el prósimu vienres dia 11 d´ochobre, na sala Loreto de la capital del conceyu.
"El tíu Antonín" ye una obra basada nel "Tiu Vanya" d´Antón Chéjov, escrita por Lluis Antón González. Dirixida por Sara G.R. y interpretada por Ángel Héctor Sánchez, Marilú Casas, Carmen Suarez Trapiello, José Luís Fernandez y Lluis Antón González, esta obra foi estrenada el pasáu mes de mayu nel teatru Xovellanos de Xixón, con notable ésitu de públicu y crítica.
Completen el equipu técnicu y artísticu, Xulio Vigil, encargáu de la produción y Alberto Ortiz y Beni  García que lleven les lluces.
"El tíu Antonín" ye una hestoria, d´amores y intereses cruzaos, d´enfotos por cambiar les coses, nuna época, la de primeros del sieglu XX, na que s´acolumbren grandes cambios sociales.
La hora comienzu será a les ocho la tarde.

Otru ésitu de públicu nel teatru Filarmónica.

El grupu teatru Telón de Fondo, representó la obra "El tíu Antonín", el pasáu 29 de septiembre, nel teatru Filarmónica d´Uviéu, con un notable ésitu de públicu, tal como ocurriere nel teatru Xovellanos de Xixón.
Nesti cuarenta aniversariu del grupu, a pesar de la crisis y les poques representaciones, estes tán siendo de gran ésitu d´espectadores.
La obra interpretada por Ángel Héctor Sánchez, Carmen Suárez Trapiello, José Luis Fernández, Marilú Casas y Lluis Antón González baxo la dirección de Sara G.R., trescurre na Asturies de primeros del sieglu XX y cunta la vida nel interior d´una casona asturiana, na que se crucen amores, intereses y unos deseos por cambiar la vida monótona y aburría del campu.
Les lluces, diseñu y execución, fueron de Alberto Ortiz y la producción de Xulio Vigil.

Telón de Fondo con "El tíu Antonín" en Pravia.

El grupu Telón de Fondo actuará nel auditoriu José Barrera de Pravia, el prósimu xueves 29 d´agostu cola obra "El tíu Antonín", una versión asturiana de "El tíu Vania" d´Antón Chéjov, escrita por Lluis Antón González.

Esta obra, que foi estrenada el pasáu mes de mayu nel teatru Xovellanos de Xixón, con notable ésitu de públicu y crítica, trescurre nel interior d´una casona asturiana, a primeros del sieglu XX y cuenta la rellación ente unos personaxes insatisfechos cola vida y  que nel so intentu de cambiar, provocará un entramáu d´amores cruzaos, de conflictos d´intereses, que por momentos acolumbren la traxedia.
Dirixida por Sara García Rodriguez, cuenta con un importante repartu formáu por:  Ángel Héctor Sánchez, que fai d´Antón Piricuetos "Tíu Antonín"; Marilú Casas, nel papel d´Helena; José Luis Fernández, que ye´l  Profesor Alexandro Arboleya; Carmen Suárez Trapiello, nel papel de Sonia Arboleya y Lluis Antón González que fai´l papel del Doctor Manuel Lluna.
El diseñu y execución de les lluces ye d´Alberto Ortíz y la producción de Xulio Vigil.
La hora comienzu será a les diez de la nueche y la entrada ye de 2 euros.

Telón de Fondo nel homenaxe a Pachín de Melás.

Telon de Fondo actuará, el prósimu domingu día 14 de xunetu, dientro de los actos d´homenaxe a Pacín de Melás, cola obra El tíu Antonín, nel Hogar San José del Natahoyo. La hora comienzu será les siete la tarde y la entrada ye llibre.

Telón de Fondo con "El tíu Antonín" en Mieres.

El grupu teatru Telón de Fondo llevará a Mieres el so recién estrenu, El tíu Antonín, una versión asturiana de "El tíu Vanya" d´Antón Chéjov.

Los cambios sociales de primeros del sieglu XX, les pasiones, les envidies y los amores cruciaos, de los personaxes d´una casona asturiana, son los ingredientes pa formar esti cuadru impresionista, onde´l deséu por cambiar nun será suficiente pa salir del llaberintu.
La obra dirixida por Sara G.R., cuenta con un estupendu repartu, nel que tán Ángel Héctor, como tíu Antonín; Marilú Casas, que fai de Helena; Carmen Suarez Trapiello, como Sonia; José Luís Fernández, como Profesor Arboleya y Lluis Antón González, que fai de Doctor Lluna.
La producción ye de Xulio Vigil y les lluces de Alberto Ortíz.
La representación faráse´l vienres 10 de mayu nel Auditoriu Teodoro Cuesta dientro de la campaña Primavera de Teatru. La hora comienzu sedrá a les 20:00 hores.

El tíu Antonin, fotos.

Reportaxe d´ensayos de El tíu Antonín.El tíu Antonín, fotos.