Noticies Telon

FELIZ 2012

2011-12-31T17:53:00.000-08:00

El grupu teatru TELON DE FONDO, fundáu nel añu 1973, deseavos un feliz y bayurosu añu 2012.

Más monólogos en El Emperador de La Felguera.

2011-11-28T00:34:00.001-08:00

Esti xueves, día 1 d´avientu, a partir de les nueve la nueche, nel pub El Emperador de la Felguera, los monloguistes Min de les Pieces y Lluis Antón González echarán unos monólogos. Esta actuación forma parte de la programación que realiza esti establecimientu felguerín tolos xueves y que tá abierta a tolos que deseen tomar una copa tranquila y divertía. El prósimu xueves día 8, actuará la cuentacuentos y monologuista Maisa Marbán.

TELON DE FONDO NES XORNAES DE GRANDA

2011-11-23T15:16:00.000-08:00

El grupu teatru TELÓN DE FONDO, actuará´l prósimu sábadu 29 de payares nel Centru Social de Granda (Xixón) dientro de les XIX Xornaes de Teatru.

Pondrán en escena´l so caberu montaxe "Squash" d´Ernesto Caballero, dirixíu por Sara García Rodriguez y interpretáu por Marilú Casas, Carmen Suarez Trapiello y Lluis Antón González.

La entrada ye llibre hasta completar aforu y la hora de comienzu será les 8 la tarde.

Más monólgos nel pub El Emperador de la Felguera.

2011-10-18T13:43:00.000-07:00

Esti xueves, como tolos xueves dende va dos selmanes, continuen los monólogos nel pub El Emperador de la Felguera. Nesta ocasión serán Nona de Calaín y Lluis Antón, los encargaos de facer pasar un ratu agradable, tomando una copa nesti históricu establecimientu de la Felguera. La hora comienzu ye les nueve de la nueche y la entrada ye llibre.

SQUASH CON TELÓN DE FONDO NEL CENTRU MUNICIPAL DE EL LLANO (XIXÓN)

2011-10-09T12:15:00.000-07:00

El grupu teatru Telón de Fondo, actuará col so caberu montaxe "Squash" nel Centru Municipal de El Llano de Xixón, el día 13 d´ochobre, a partir de les 7 la tarde.
Esta obra, escrita por Ernesto Caballero, entama con dos muyeres, Trini y Piedá, esperando nuna pista de squash, pa facer unes pruebes pa un puestu de trabayu. Les distintes práctiques que-yos fará l´otru personaxe, Ladio, llevarales a situaciones disparataes. "Squash" ye una comedia social, con un toque de "rality show".
La obra tá dirixida por Sara García Rodriguez, ya interpretada por Carmen Suarez Trapiello, Marilú Casas y Lluis Antón González. La escenografía y diseñu de lluces ye de Beni García, la producción de Xulio Vigil y la dirección técnica de lluces y espaciu escénicu d´Alberto Ortiz.

Monólogos nel pub El Emperador de La Felguera.

2011-10-05T03:31:00.000-07:00

Esti xueves día 6, apartir de les 21 hores, los monologuistes Carlos Alba, Vanesa Peña y Lluis Antón González, echarán unos monólogos nel pub El Emperador de La Felguera (Llangréu). Esti será´l primeru d´una programación continuada que llevará tolos xueves, a los meyores monologuistes d´Asturies a esti bar de La Felguera. Una nueva forma de tomar una copa con humor.

TELON DE FONDO EN MIERES Y VILLAVICIOSA

2011-09-18T14:12:00.000-07:00

El grupu teatru TELÓN DE FONDO actuará, los dies 23 y 24 de septiembre, col so útimu montaxe "Squash" en Mieres y Villaviciosa.
El día 23 será na Casa la Cultura de Mieres, a les ocho la tarde, muestra de FETEAS en collaboración col ayuntamientu de La Villa de Teodoro Cuesta.
El día 24 será nel Teatru Riera de Villaviciosa, a les ocho la tarde, dientro de les muestres qu´entama Cajastur.
"Squash" ye una obra d´Ernesto Caballero, que TELÓN DE FONDO retoma pola so candente actualidá. Dos muyeres, Trini y Piedá, s´enfrenten a unes pruebes pa un puestu de trabayu. Una partía imaxinaria de squash, será el desencadenante d´un conflictu ente les protagonistes, nel quel públicu tamién cuenta como parte de la obra. Cercana al reality show, la obra de Caballero. ye una comedia social y disparatada.
Nel repartu tán, Marilú Casas, Carmen Suarez y Lluis Antón González baxo la dirección de Sara García Rodriguez.

Monólogos nel Salón de Llibru Asturianu

2011-08-29T09:27:00.000-07:00

Esti xueves, 1 de setiembre, a partir de les 7 la tarde, Lluis Antón González echará unos monólogos, dientro de la nona edición del Salón del Llibru Asturianu.
El salón, qu´entamó el pasáu 26 d´agostu, ye una muestra del llibru asturianu, tanto en castellanu, como n´asturianu, organizáu pol Gremiu d´Editores d´Asturies, cola ayuda del ayuntamientu Xixón y Cajastur.
La carpa situada na cai Franacisco Tomás y Valiente, tará hasta el prósimu dia 4 de setiembre, abierta de 11 a 14 y de 17 a 21 hores de llunes a vienres. Los sábados y domingos de 11:30 a 14:30 y de 16:30 a 21:30.
Los monólogos que se representarán serán "Miéu a volar" y "Mensaxes llargos" de Cristina Muñiz y "Les vacaciones" de Inaciu Galán.

Cuatru años de "La Risión" na TPA.

2011-07-22T03:31:00.000-07:00

En xunu d´esti añu cumplióse el cuartu aniversariu de los monólogos de "La Risión", que selmanalmente emite la TPA, dientro del programa diariu de "Al Aldu". Cerca de doscientos monólogos, la mayoria d´ellos inéditos y casi una trentena d´actores monologuistes, pasaron pol programa, qu´echa los llunes pola mañana, la cadena pública asturiana.
Carlos Alba, Tante Blanco, Silvino Torre, Vanessa Peña, Lluis Antón González, Begoña Quirós, Pin de La Cotolla, Carmen Sandoval y un llargu etcétera, foron los actores monologuistes qu´interpretaron textos propios o d´autores como Cristina Muñiz, Inaciu Galán, Chechu García, Azucena Rodriguez, Adolfo Camilo... hasta un total de 25 escritores. Estilos clásicos y modernos que consiguieron revitalizar y actualizar esti xéneru tan nuestru como ye´l monólogu asturianu.

Telón de Fondo en Llangréu y Avilés.

2011-06-15T09:36:00.001-07:00

El grupu teatru Telón de Fondo actuará, col so caberu estrenu "Squash" nel nuevu teatru de Llangréu el vienres 17 y nel Centru Municipal "Los Canapés" el llunes 20 d´esti mes de xunu.
La función de Llangréu entamará a les 20:15 hores y la d´Avilés a les 19 hores.
"Squash" ye una obra d´Ernesto Caballero, dirixida por Sara G.R., na que cuenta la hestoria de dos muyeres desesperaes, que s´enfrenten por un puestu de trabayu. Interpretada por Marilú Casas, Carmen Suarez Trapiello y Lluis Antón González. Les lluces y la escenografía son de Beni García y la producción de Xulio Vigil.
Ver trailer.

squash

2011-05-29T08:39:00.000-07:00

Trailer de la obra Squash realizáu por José Antonio Neira a partir de les imáxenes del estrenu nel teatru Filarmónica d´Uviéu el 2 de mayu de 2011.

Estrenu en El Filarmónica d´Uviéu.

2011-04-25T04:46:00.000-07:00

El prósimu día 2 de mayu, el grupu teatru Telón de Fondo, estrenará la obra "Squash" d´Ernesto Caballero con versión n´asturianu de Lluis Antón González.
La obra entama con dos muyeres esperando nuna pista de squash pa una entrevista de trabayu. Piedá, ama de casa, col paisano en paro y Trini, prostituta y col mozu na cárcel. "Squash" ye una comedia social con un toque de "reality show".
Dirixida por Sara García Rodriguez, tá interpretada por Carmen Suarez Trapiello, Marilú Casas y Lluis Antón González. La escenografía y les lluces son de Beni García, el sonidu de Sara G.R. y la producción de Xulio Vigil.
La hora comienzu ye a les 20:15 y la entrada cuesta ente 4 y 6 euros.

Monólogos na Sala Q (L.lena)

2011-04-07T01:12:00.000-07:00

El prósimu domingu día 10, a partir de les siete y media de la tarde, los monologuistes Tante Blanco y Lluis Antón González, echarán unos monólogos na sala Q (C/Reguera Pará 2 baxo, La Pola L.lena) dientro de la programación qu´esta sala fai tolos domingos dedicaos a esti xéneru tan asturianu. La entrada ye llibre.

Ensayos de "Squash"

2011-02-26T16:01:00.000-08:00

El grupu teatru Telón de Fondo tá ensayando nel so local de El Llanu (Xixón) la obra d´Ernesto Caballero "Squash", dirixida por Sara García Rodriguez. Trátase d´una comedia social o "un sainete del revés" como-y presta definila al autor, na que dos muyeres se peleen por ocupar un puestu de trabayu.
Interpretada por Marilú Casas, Carmen Suarez Trapiello y Lluis Antón González esta pieza tien d´estrenase a primeros de mayu del presente añu.
L´encargáu de la escenografía y les lluces va ser de Beni García y la produción de Xulio Vigil.

Telón nel Centru Municipal de L´Arena (Xixón)

2011-02-10T12:32:00.000-08:00

El grupu teatru TELON DE FONDO actuará el prósimu xueves día 17, nel Centru Municipal Integráu de L´Arena (Xixón) cola obra "Antón, el cantu´l cisne" de Lluis Antón González basada en textos d´Antón Chéjov.
Antón, vieyu actor de teatru, queda dormíu nel camerín depués d´una función homenaxe. Al despertar alcuentrase cola soledá del teatru, y entama referver sobre´l so pasáu, una vida dedicada al teatru. Solo l´apuntador del teatru, escuchará el so últimu cantu, enantes d´abandonar la escena.
La obra tá interpretada por José Luis Fernández y Lluis Antón González y dirixida por Xulio Vigil con escenografía y lluces de Beni García.
La hora de comienzu ye les siete y media la tarde.

La Risión de la TPA continua un añu más

2011-01-10T14:04:00.000-08:00

Los monólogos asturianos de La Risión del programa Al Aldu continuen un añu más dientro de la programación matinal de los llunes de la TPA. Nesta ocasión vemos a la directora de "Salomé" y "El xuegu de Yalta", Sara García Rodriguez, interpretándo un monólogu de Cristina Muñiz, "Los ordenadores".

FELIZ 2011

2010-12-31T07:44:00.000-08:00

Telón de Fondo deseavos un feliz y provechosu 2011.

Marathon de Teatru en Xixón

2010-11-14T14:54:00.000-08:00

Esti sábadu día 13, cellebróse nel Centru Municipal Integráu de El Llano, un Marathon de Teatru organizáu pola Federación de Teatru Amateur d´Asturies (FETEAS) nel que participaron 15 grupos de la citada federación, que dende les seis de la tarde hasta 12 la nueche mostraron parte del so trabayu creativu, tan diversu como lo ye esta federación, de la que formen parte la mayoria de los grupos amateur d´Asturies.

Telón de Fondo en Villaviciosa el 6/11/2010

2010-10-24T11:51:00.000-07:00

El prósimu día seis de payares, el grupu teatru Telón de Fondo actuará nel Teatru Riera de Villaviciosa, cola obra "El xuegu de Yalta". La obra ye una adaptación fecha pol dramaturgu irlandés Brian Friel del cuentu de Chéjov "La dama del perrín". Nella cuenta la hestoria d´un amor adúlteru ente Ana Sergueyevna y Dmitry Gurov, muncho mayor qu´ella, qu´ensí dase cuenta se verán atrapaos nun remolín llocu del que nun atopen la manera salir. La obra tá interpretada por Marilú Casas y Lluis Antón González, cola direición de Sara García Rodriguez. La escenografía y les lluces son de Beni García y la produción de Xulio Vigil. La hora comienzu ye a les ocho la tarde.

25 Aniversariu del PAS

2010-10-01T05:41:00.000-07:00

Esti sábadu 2 d´ochobre, el grupu musical Tuenda, que dirixe Xosé Ambás, actuará nel auditoriu Principe Felipe d´Uvieu, dientro de los actos conmemorativos del 25 Aniversariu del PAS. Entemedies del conciertu el actor y monologuista Lluis Antón echará tamién un monólogu. La hora comienzu ye les 8 la tardi y la entrada ye llibre.

"Tres pates pa un bancu" en La Corredoria

2010-09-11T07:41:00.000-07:00

Los monologuistes Carlos Alba, Silvino Torre y Lluis Antón, actuarán nes Fiestes de San Matéu d´Uviéu na localidá de La Corredoria, dientro de la programación festiva qu´esti añu s´entama nos barrios de la ciudá, col so espectáculu TRES PATES PA UN BANCU. La actuación será el vienres 17 de septiembre y la hora de comienzu ye les 9 la nueche na plaza del Conceyín, onde tán situaos los chiringuitos y demás atraciones.

La mujer del hatillo gris

2010-08-25T01:33:00.000-07:00

La selmana que vien entama, en tierres de castiella,el rodaxe del curtiu, "La mujer del hatillo gris", dirixíu por Luis Trapiello. Maria Botto,Alex Angulo, Celso Bugallo, Lluis Antón, Manolo Cuervo, Lucas Trapaza, Eladio Sanchez, Antonio Castro, Eduardo Antuña, Rosa Moreno, Luis Muñiz,Enrique Villanueva y Manuel Pizarro son parte del repartu d´una hestoria que trescurre na posguerra española.

Telón de Fondo en Cangas del Narcea.

2010-07-24T15:15:00.000-07:00

El prósimu 7 d´agostu (sábadu) el grupu teatru TELON DE FONDO actuará, cola obra "El xuegu de Yalta", nel Teatru Toreno de Cangas del Narcea.
La obra dirixida por Sara García Rodriguez, ye una adaptación del cuentu de Chéjov "La dama del perrín" fecha por dramaturgu irlandés Brian Friel, y traducida por Lluis Antón González. Nella cuenta la hestoria d´un amor adúlteru, ente Ana Sergeyevna y Dmitry Guróv nun veranu fatal en Yalta, y lo qu´escomienza como un xuegu, acabará atrapando a los sos protagonistes como nun remolín.
La obra tá interpretada por Marilú Casas, nel papel d´Ana y Lluis Antón González como Gurov. Completen l´equipu técnicu y artísticu Beni García, Alberto Ortiz y Xulio Vigil. Entama Cajastur.

Nuevos monólogos pa la TPA en Llaviana

2010-06-21T11:03:00.000-07:00

Esti martes 22 de xunu, dende les 11 la mañana, grabaránse nuevos monólogos pal programa AL ALDU de la TPA, na Casa la Cultura de Llaviana. Pin de la Cotolla, Min de les Pieces, Silvino Torre, Nona de Calaín, Cellero y Tante serán los encargaos de facenos riír con esti xéneru tan asturianu como ye´l monólogu. La entrada ye llibre.

Telón de Fondo en Llangréu

2010-06-08T14:18:00.000-07:00

El grupu teatru TELON DE FONDO actuará nel Nuevu Teatru de La Felguera (Llangréu) el prósimu vienres día 11, cola obra "El xuegu de Yalta" de Brian Friel, adaptación del cuentu de Chéjov "La dama del perrín". La hora comienzu de la representación ye a les 8:15 de la tarde.
La obra cuenta una de les mas guapes hestories d´amor, escrita pol autor rusu y adaptada por dramaturgu irlandés Brian Friel, que Telón de Fondo pon n´escena baxo la direción de Sara García Rodriguez. El repartu componénlu Marilú Casas y Lluis Antón González. La escenografía y les lluces son de Beni García, hestóricu director del grupu avilesín Candilejas y la producción ye de Xulio Vigil un de los fundadores de Telón de Fondo nel añu 1973.

El 24 de mayu nuevos monólogos en Llaviana

2010-05-20T15:15:00.000-07:00

El prósimu día 24 de mayu grabaránse nuevos monólogos na Casa la Cultura de Llaviana, pal programa AL ALDU de la TPA. La hora comienzu ye a les 11 la mañana y la entrada ye llibre.

Nuevos monólogos pa la TPA en Llaviana.

2010-04-12T03:36:00.000-07:00

Esti martes 13, a partir de les once la mañana, grabaránse nuevos monólogos pal programa AL ALDU de la TPA. Esti programa diariu fechu n´asturianu, emítese tolos dies a les diez de la mañana pol canal autonómicu, y los llunes dedícalos dafechu al monólogu asturianu. El programa grabaráse na Casa la Cultura de Llaviana y la entrada ye llibre.

"La Risión" monólogu asturianu na TPA.

2010-03-18T06:25:00.000-07:00

La Risión ye una seición de monólogu asturianu, dientro del programa Al Aldu de la TPA.
Nesti monólogu, Carlos Alba "Cellero" fala del últimu carreteru asturianu.

Monólogos pa la TPA en Llaviana

2010-03-14T16:29:00.000-07:00

Esti miércoles día 17 de marzu grabaránse nuevos monólogos pal programa AL ALDU de la TPA. La hora comienzu de la grabación ye a partir de les 10 y media la mañana. La entrada ye llibre.

El xuegu de Yalta n´Avilés.

2010-03-14T14:57:00.000-07:00

Telón de Fondo actuará el prósimu llunes día 15 de marzu nel Centru Municipal de Los Canapés d´Avilés cola obra El Xuegu de Yalta de Brian Friel. La hora comienzu ye les siete la tarde.

Telón de Fondo en El Filarmónica.

2010-03-08T05:10:00.000-08:00

El grupu teatru Telón de Fondu, acturá el prósimu día 12 de marzu nel teatru Filarmónica d´Uviéu, cola obra "El xuegu de Yalta" de Brian Friel. Esti montaxe ye una adaptación del cuentu de Chéjov "La dama del perrín" fecha pol autor irlandés y que cunta la hestoria d´un amor adúlteru ente Ana Sergueyevna y Dmitry Gurov, entamada en Yalta, ciudá de veranéu de la rusia zarista. La obra tá protagonizada por Marilú Casas y Lluis Antón González, baxo la dirección de Sara García Rodriguez. La producción ye de Xulio Vigil y la escenografía y les lluces de Beni García. La hora comienzu ye les 20:15 y la entrada ye de 3 euros.

"El xuegu de Yalta". Nueves funciones.

2010-02-27T12:48:00.000-08:00

Telón de Fondo actuará los prósimos dies 10, 12 y 15 de marzu cola obra "El xuegu de Yalta" de Brián Friel, adaptación del cuentu llargu de Chéjov "La dama del perrin".
El diá 10 será nel Centru Municipal de L´Arena (Xixón), el 12 nel Teatru Filarmónica d´Uviéu y el 15 nel Centru Municipal Los Canapés d´Avilés.

Grabación de nuevos monólogos pa la TPA

2010-02-07T14:04:00.000-08:00

El prósimu 17 de febreru, a partir de les once la mañana, grabaránse nuevos monólogos na Casa la Cultura de Llaviana, pal programa "Al Aldu" de la TPA. Participarán, ente otros, Cellero, Pin de La Cotolla, Min de Les Pieces, Nona de Calaín, Silvino Torre y Marilú Casas. La entrada ye llibre.

FELIZ AÑU 2010

2009-12-29T16:30:00.000-08:00

Telón de Fondo, deseávos un feliz y prestosu añu 2010, enllenu de salú, trabayu y munchu teatru.

"Antón. El cantu´l cisne", en Corvera

2009-12-16T13:28:00.000-08:00

Esti prósimu vienres 18 d´avientu el grupu teatru Telón de Fondo, actuará nel Llar de Corvera, a partir de les 22:30 hores, cola obra "Antón (El cantu´l cine)" de Lluis Antón González, basada en textos de Antón Chéjov. Dirixida por Xulio Vigil, con escenografía de Beni García y interpretada po José Luis Fernández y Lluis Antón González. Un vieyu actor tá solu en mitá del escenariu, declamando´l so penosu monólogu pa naide. ¿Quién ye? ¿Que-y debe la vida? ¿Que sentíu tuvo entregalo too por esa vocación de convertise cada nueche n´otra persona? Nun tensu alcuentru col apuntador del teatru, l´actor dirá contestando a toes estes preguntes pal final atopase cola verdá desnuda: el mesmu.

Telón de Fondo en Mieres y Lluanco

2009-12-03T01:52:00.000-08:00

Telón de Fondo actuará en Mieres el prósimu miércoles día 9 d´avientu, na Casa la Cultura col so caberu estrenu "El xuegu de Yalta" y en Lluanco, na Casa la Cultura de Gozón, el sábadu día 12 d´esti mesmu mes. "El xuegu de Yalta" ye una adautación del cuentu de Chéjov "La dama del perrín" nel que l´autor rusu cuenta la rellación adúltera ente Dmitry Gurov y Ana Sergueyevna. La hora comienzu de les dos funciones ye les 8 la tarde.

Nuevos monólogos pa la TPA en Llaviana

2009-11-29T07:00:00.000-08:00

El prósimu martes día 1 d´avientu, a partir de les 11 la mañana, grabaránse nuevos monólogos pal programa Al Aldu, na Casa la Cultura de Llaviana. Esti programa emítese de llunes a vienres na TPA a les 10 de la mañana. La entrada ye llibre.

Telón de Fondo en Riosa

2009-11-08T14:43:00.000-08:00

El prósimu vienres 13 de payares, Telón de Fondo actuará en Riosa,na Casa la Cultura, col so caberu estrenu: El xuegu de Yalta.Esta obra, dirixida por Sara García Rodriguez tá interpretada por Marilú Casas y Lluis Antón González y ye una adaptación del cuentu llargu de Chéjov, "La dama del perrín". Dmitry Gurov y Ana Sergueyevna dirán contando, en primer persona, la esperiencia del so amor adúlteru, esperando la absolución del públicu. La hora comienzu ye les siete la tarde.

Monólogu asturianu na TPA

2009-11-02T09:18:00.000-08:00

La Risión ye un programa de monólogos asturianos que echa la TPA tolos llunes a les diez de la mañana. Monólogu modernu y tradicional. Empobináu por Lluis Antón González.

Telon de Fondo en Corvera

2009-10-28T05:14:00.000-07:00

Esti vienres, 30 d´ochobre, a partir de les 22:30, nel teatru "El Llar" de Corvera, el grupu teatru Telón de Fondo representará la so nueva obra "El xuegu de Yalta", una adaptación del cuentu "La dama del perrín" de Antón Chéjov. Ana y Gurov alcuéntrense de vacaciones en Yalta, ciudá de veranéu del mar Negru y lo que escomienza como un xuegu, dirá poco a poco convirtiéndose n´una hestoria d´amor verdaderu.

"El xuegu de Yalta" tá interpretáu por Marilú Casas y Lluis Antón González y dirixíu por Sara García Rodriguez. La produción ye de Xulio Vigil y la escenografia y les lluces de Beni García.

(Foto J.R. Montes)

Estrenu de Telón nel Atenéu de La Calzada

2009-10-13T04:46:00.000-07:00

Esti xueves 15 d´ochobre, el grupu teatru Telón de Fondo estrena en Xixón, la so cabera obra, "El xuegu de Yalta".
La hora comienzu ye les siete la tarde y la entrada ye llibre hasta completar l´aforu.

Estrenu de Telón de Fondo

2009-10-05T16:03:00.000-07:00

El prósimu vienres dia 9, el grupu teatru Telón de Fondo, estrena la obra "El xuegu de Yalta", adaptación del cuentu d´Antón Chéhov "La dama del perrín" fecha pol autor irlandés Brian Friel y con versión n´asturianu de Lluis Antón González.
La obra dirixida por Sara García Rodriguez, tá interpretada por Marilú Casas y Lluis Antón González. El espaciu escénicu y les lluces son de Benigno García Bueno y la produción de Xulio Vigil.
Ana Sergeyevna Dmity Gurov tán de vacaciones en Yalta, ciudá de veranéu del Mar Negru y lo que escomienza siendo un xuegu, conviértese nun amor verdaderu que sumirá a los sos protagonistes nun remolín llocu.
La hora comienzu ye a les 20 hores y la entrada ye llibre.

Nuevos monólogos pa la TPA en Llaviana.

2009-09-22T23:35:00.000-07:00

El prósimu vienres 25 van grabase nuevos monólogos pal espaciu La Risión del pregrama Al Aldu, de la TPA, na Casa la Cultura de Llaviana. La hora comienzu ye les 7 la tarde y la entrada ye llibre.

Telón en Pieces de la TPA.

2009-09-15T08:15:00.000-07:00

Nuevos monólogos en Llaviana

2009-08-18T05:02:00.000-07:00

Esti prósimu miércoles 19 d´agostu, na Casa la Cultura de Llaviana, a partir de les siete la tarde grabaránse nuevos monólogos pal programa la Risión (Al Aldu) de la TPA. Carlos Alba con "El Pola" y "Cellero", Marilú Casas, Nona de Calaín, Tante Blanco y Silvino Torre, serán los protagonistes d´esti nuevu programa que presenta Lluis Antón González. La entrada ye llibre.

Ensayos de nueva obra

2009-07-29T13:16:00.000-07:00

El grupu teatru TELÓN DE FONDU tá ensayando, pa estrenar en septiembre, una nueva obra, "El xuegu de Yalta" de Brian Friel, adaptación del cuantu de Antón Chéjov "La dama del perrín". Interpretada por Marilú Casas y Lluis Antón González, escenografía y lluces de Beni García, direción de Sara García Rodriguez y produción de Xulio Vigil.

Monólogos pa la TPA en Llaviana

2009-07-05T06:49:00.000-07:00

El prósimu xueves dia 9, a partir de les seis y media la tarde, na Casa la Cultura de Llaviana,tendrá llugar la grabación del espaciu de monólogos "La Risión" del programa "Al aldu" de la TPA.
Los monologuistes que van a participar son: Tante Blanco, Marilú Casas, Silvino Torre, Carlos Alba "Cellero", Vanesa Peña "Nona" y José Manuel Reguero "El Maestru".
La entrada ye llibre.

L´ENSALMADOR

2009-05-13T04:02:00.000-07:00

L´Ensalmador ye la primer obra de teatru asturianu conocía. Escrita por Antón de Marirreguera (s.XVII) foi estrenada pol grupu teatru TELON DE FONDO nel añu 2000, cola direción de Xulio Vigil, escenografia y lluces de Beni García, vestuariu de Rosabel Berrocal, y interpretada por Xuán Coll, Claudio Vereterra, Carmen Gloria García, José Luis Fernández, Isabel Friera, Enrique Iglesias y Lluis Antón González. Esti ye un cachín de la representación fecha nel teatru Palacio Valdés d´Avilés.

"Los jóvenes alegres"

2009-03-02T13:52:00.000-08:00

El prósimu 18 de marzu tendrá llugar, nel Teatru de La Llaboral la representación de la obra "Los jóvenes alegres" adaptación de "Les allegres comadres de Windsor" de W. Shakespeare fecha por Andrés Mata. Esta produción ta fecha en comuña pol La Llaboral, La Escuela Superior d´Arte Dramáticu d´Asturies (ESAD)y El Coservatoriu de Música, cola direición d´Andres Mata. ESADasturias.es

Monólogos en La Pola

2009-01-22T13:22:00.000-08:00

Esti prósimu sábadu, dia 26 de xineru, nel café La Palmera (Av. de la Constitución 2)de La Pola (L.lena), actuarán los monologuistes Silvino Torre, Carlos Alba "El Pola" y Lluis Antón González, col so espectáculu "Tres pates pa un bancu". El nuevu monólogu asturianu con tres propuestes distintes pero con un mesmu enfotu, el facer rir. La hora comienzu les 12 la nueche.

Vuelven los monólogos a la TPA

2009-01-20T14:28:00.000-08:00

Dende esti llunes 19, tornen los monólogos de La Risión a la programación de la TPA dientro del programa Al Aldu. Begoña Quirós, Carlos Alba, Silvino Torre, Tante Blanco, Carmen Sandoval, Pin de la Cotolla Benxa Perez y un llarga nómina de monologuistes son los protagonistes d´esti espaciu qu´empobina Lluis Antón González. La hora emisión ye les 9:30 la mañana.

Monólogos nel Atenéu de Turón

2008-12-26T07:00:00.000-08:00

El prósimu martes, 30 d´avientu, nel Atenéu de Turón, Telón de Fondo presenta, el so espectáculu de monólogos "Tres pates pa un bancu", con Carlos Alba "El Pola", Silvino Torre y Lluis Antón González. La hora comienzu ye a les siete y media la tarde.

20 años de EL LLAPICERU

2008-12-16T03:28:00.000-08:00

El prósimu xueves dia 18 na llibreria Alborá de Xixón, organizáu pol Atenéu Xuán María Acebal, va cellebráse un actu pa conmemorar el venti aniversariu del nacimientu de la revista de comics n´asturianu EL LLAPICERU. Nel actu va facese presentación d´una edición númberada de tolos númberos encuadernaos con motivu d´esti XX aniversariu.

Ésitu del monólogu modernu en Bruseles

2008-12-06T07:16:00.000-08:00

Esti miercoles 4 d´avientu cellebróse en Bruseles, nel salón d´actos de la Casa d´Asturies d´esta capital europea, una gala del Monólogu Modernu Asturianu a cargu de l´asociación Xareos, y organizada por ASBRU (Asturianos en Bruselas) con gran ésitu de públicu y crítiques. Los invitaos a esta gala fueron Benxa Perez, Inaciu Galán y Lluis Antón González. Además de la representeción fízose la presentación del llibru de monólogos modernos "Pa echar unes rises" de varios autores, publicáu pola editorial Trabe y un coloquiu alderique sobre el mesmu tema.

Dos sabios nes Caldes

2008-11-27T00:58:00.000-08:00

El pasáu fin de selmana rodóse nel balneariu de Les Caldes d´Uviéu el curtiu "Dos sabios" dirixíu pola realizadora madrilana Rocío García Campelo. Basáu nun cuentu de Leopoldo Alas "Clarín" tá interpretáu nos sos principales papeles por Inaciu Galán, Pente Santovenia y Lluis Antón González. El estrenu tá previstu nel Teatru Filarmónica nel mes d´abril del prósimu añu dientro del Festival de Cine Asturianu que dirixe Xavi Vilareyo. http://rociogarciacampelodossabios.blogspot.com/

Marathon de teatru en Xixón

2008-11-13T13:16:00.000-08:00

El prósimu sábadu dia 15 de payares va cellebráse´l II MARATHON DE TEATRU, entamáu por FETEAS (Federación de Grupos de Teatru Amateur del Principáu d´Asturies) nel nuevu Centru Municipal del Llanu de Xixón. Ente les ocho la tarde y les dos de la mañana dirán representando pieces cortes les distintes compañies que formen la federación. La entrada hasta llenar el aforu ye de baldre y l´actu cuenta además del sofitu del Ayuntamientu Xixón, el del Princiáu d´Asturies, Caxastur y la ESAD Asturies.

Monólogos na Gueta de Candás

2008-10-29T14:45:00.000-07:00

La nueche del 31 d´ochobre, los monologuistes Carlos Alba"Cellero", Silvino Torre y Lluis Antón González actuarán nel chigre La Gueta de Candás.

Monólogos na antigua fábrica Flex de La Calzada

2008-10-18T17:27:00.000-07:00

Telón de Fondo en Xixón.

2008-10-06T09:09:00.000-07:00

El prósimu miércoles día 8, el grupu Telón de Fondo actuará na Colexata San Xuan Bautista de Xixón, cola obra "Antón (el cantu´l cisne)".

Esta obra, dirixida por Xulio Vigil , cuenta la hestoria d´un vieyu actor que queda dormíu nel teatru depués d´una función homenaxe. Na soledá del escenariu dirá repasando la so vida y solamente l´apuntador del teatru escuchará la so cabera representación.

El repartu componenlu José Luis Fernández y Lluis Antón González. La escenografía y diseñu de lluces ye de Beni García.

La representación tá organizada pol Area Cultural de Cajastur y la hora de comienzu ye les ocho la tarde con entrada llibre.

Telón de Fondo nel Llar de Corvera.

2008-09-20T16:13:00.000-07:00

El grupu teatru Telón de Fondo, actuará nel teatru "El Llar" de Corvera, el prósimu día 26 de septiembre, cola obra "Anton, el cantu´l cisne". La hora de comienzu será a les diez y media de la nueche.

Un cortu n´asturianu podrá vese en norteamérica.

2008-09-12T08:52:00.000-07:00

Nel pasáu mes d´agostu acabó de grabase´l cortu "Nel Reinu" del director norteamericanu Victor Suarez. Esta película fecha n´asturianu exibiráse en versión orixinal nos Estaos Xunios, con subtítulos n´inglés. L´enfotu de Suarez (California 1989) ye mostrar nesta hestoria Asturies tal como ye. Una hestoria intimista que muestra el viaxe d´un padre cola so fia (Xulia) al intierru del güelu d´esta. Por delles razones llegen tres dies tarde al funeral. Nel trescursu de dos xornaes diremos viendo como el reencuentru col pasáu construye una hestoria inacabada enllena d´interrogantes (posiblemente cola vida mesma) na que l´espectador compondrá la suya mesma.

Esti cortu tá interpretáu polos actores asturianos Lluis Antón González, que fai de padre; Adriano Prieto, que fai d´hermanu; Mari Carmen Mendez, que fai de güela y l´actriz norteamericana Nessa Norich, que fai de fia.

"Nel Reinu" ye una coprodución astur-norteamericana na que participen el proyectu Bluelight de la Universidá de Columbia (Nueva York) y la empresa asturiana Médula Producciones.

Monólogos en El Campu y Candás.

2008-08-16T07:26:00.000-07:00

Esti vienres 15 d´agostu de 2008 cellebráronse dos gales de monólogu asturianu. La Primera na capital del conceyu de Casu, dientro de la VI semana Cultural, na que participaron los monologuistes de H.a Xareos, Tante Blanco y Lluis Antón González. La segunda nel teatru Prendes de Candás (I Gala del Monologuismo Cómico Asturiano) na que se fizo un homenaxe al monologuista José Manuel Reguero "El Maestru", cola participaron Carlos Alba, Silvino Torre, Pin de la Cotolla y Lluis Antón González. La Gala foi presentada pol Presidente de AICA Julio Cesar Baragaño.

Nuevos monólogos nel Trisquel

2008-08-04T15:24:00.000-07:00

El prósimu xueves dia 7 d´agostu, a les 21:30 hores nel Café Trisquel (C/Marqués de San Esteban de Xixón) echarán unos monólogos nuevos, los monologuistes Silvino Torre, Carlos Alba "Cellero" y Lluis Antón González.

Monólogos nel VARYARTE

2008-07-22T23:28:00.000-07:00

El prósimu xueves 31 de xunetu a partir de les 22 h. nel VARYARTE (Pz. José Gonzalez "El Presi" de la Corredoria- Uviéu) actuarán los monologuistes de la TPA, Silvino Torre, Carlos Alba "El Pola" y Lluis Antón González col espectáculu "Tres pates pa un bancu".

Telón en Pumarín (Xixón)

2008-07-20T13:09:00.000-07:00

El pasáu 8 de xunetu el grupu teatru TELÓN DE FONDO actuó nel Centru Municipal Pumarín-Sur de Xixón cola obra "Antón, el cantu´l cisne".

Monólogu Modernu en Bimenes

2008-07-03T04:29:00.000-07:00

Dientro del programa de festeyos de la XII Fiesta de la Oficialidá, el prósimu vienres dia 4 van echase dos monólogos de los nomaos "modernos"de los autores Inaciu Galán y Isaac de l´Arada. El llugar ye la Casa la Cultura a les 20:30 y el monologuista encargáu d´echalos ye Lluis Antón González de H.a Xareos.

Premiu FETEAS

2008-06-16T14:45:00.000-07:00

El grupu teatru Telón de Fondo recibió, xunto con otres seis grupos el premiu FETEAS pa les compañies que lleven más de 25 años continuaos na escena. Además Telón recibió una mención especial por ser el grupu más veteranu d´Asturies con más de 35 años d' hestoria. L´actu foi cellebráu nos II Alcuentros FETEAS de Villaviciosa el 14 y 15 de xunu al qu´asistieron, ente otres autoridaes, l´alcalde la Villa y la Directora de Cultura del Principáu d´Asturies.

Monólogu Modernu en Candás

2008-04-18T16:36:00.000-07:00

El prósimu domingu dia 20 d´abril nel chigre La Gueta de Candás actuarán los monologuistes Carlos Alba, Silvino Torre y Lluis Antón González. Depués del éxitu de la so actuación nel Trisquel de Xixón, estos tres monologuistes acuden a Candás col enfotu de promocionar el Nuevu Monólogu Asturianu y crear un pequeñu circuitu d´esta modalidá teatral tan asturiana. La hora comienzu será sobre les ochu y media.

Monólogos nel Trisquel

2008-04-12T16:03:00.000-07:00

El prósimu xueves 17, a partir de les 21:30, nel café Trisquel de la cai Marques de San Esteban de Xixón, tendrá llugar otra vuelta, la representación de monólogos asturianos. Carlos Alba, Silvino Torre y Lluis Antón González, interpretaran en clave d´humor la so visión de la realidá social y política d´Asturies.

Telón de Fondo en Llangréu

2008-03-21T16:54:00.000-07:00

El prósimu 30 de marzu, el grupu teatru TELÓN DE FONDO representará nel Nuevu Teatru de La Felguera, la obra "Antón el cantu´l cisne" de Lluis Antón González, dientro de la muestra de FETEAS qu´entama l´Ayuntamientu Llangréu. La obra basada en textos de Chéhov, trata del pasu´l tiempu y del dramáticu final de vida d´un actor . Tá interpretada por José Luis Fernández y Lluis Antón González cola dirección de Xulio Vigil. La hora de comienzu ye a les 20:15 y la entrada ye de 3 €.

Monólogos nel Trisquel

2008-03-10T14:59:00.000-07:00

El prósimu xueves 13 de marzu, nel café Trisquel de Xixón (C/Marques de San Esteban) a partir de les 10 de la nueche, actuarán lo monologuistes Carlos Alba "El Pola", Silvino Torre y Lluis Antón González.

Monólogu modernu nel Campoamor

2008-03-01T16:33:00.000-08:00

El prósimu domingu 9 de marzu y coincidiendo cola fase final de la "Muestra Folklore Ciudad de Oviedo", acturán nel teatru Campoamor de la capital asturiana los monologuistes Inaciu Galán y Lluis Antón González, representantes de lo que podemos nomar Monólogu Modernu Asturianu. El comienzu de la muestra será a les doce menos cuartu la mañana.

Estrenu en Avilés de "Anton,el cantu´l cisne"

2008-02-19T03:55:00.000-08:00

El prósimu dia 1 de marzu nel teatru de Centru Municipal de "Los Canapés" d´Avilés, el grupu teatru Telón de Fondo estrenará la obra Antón, el cantu´l cisne dientro de la Muestra de Teatru de FETEAS qu´organiza la Casa la Cultura del Ayuntamientu Avilés. Dirixida por Xulio Vigil, tá interpretada por José Luis Fernández y Lluis Antón González con escenografía de Benigno García Bueno. Na obra un vieyu actor fai repasu de la so vida dempués d´una función enfrentándose a los sos propios pantasmes y a la propia muerte, solo un vieyu apuntador será testigu d´esti últimu cantu. La hora de comienzu será les 19:00 hores.